ຜະຫຍາພາສິດບູຮານ - ຕອນສາມ

ຕອນ ຄັນແມ່ນ
-ຄັນແມ່ນທຳດີແລ້ວ              ໃຜຊີ່ຫຍັນກໍ່ຕາມຊ່າງ
ຄັນແມ່ນເຮັດຖືກແລ້ວ          ຊີ່ຫຍັນຫຍໍ້ກໍ່ຊ່າງໃຜ

-ຄັນແມ່ນຕາຍຍອ້ນໃຂ້         ຊີ່ຕາຍໄປກໍ່ຕາມຊ່າງ
ຄັນແມ່ນຕາຍຍອ້ນເຈົ້າຜູ້ຮູ້   ຕາຍຍອ້ນຊູ້ຜູ້ນີ້
ມີເງີນຮອດລ້ານ                     ທານໃຫ້ກໍ່ບໍ່ເອົາ

-ຄັນແມ່ນເຈົ້າຕົ໋ວະຂອ້ຍ        ໃຫ້ເຈົ້າຈົມລົງພື້ນ
ອະເວຈີຫມໍ້ໃຫຍ່                      ໄຟນາຣົກຮອ້ນໆ
ໃຫ້ເຜົາເຈົ້າ                             ຢູ່ສູ່ຍາມ

-ຄັນແມ່ນທາງນອ້ງເຕື້ອງ     ອ້າຍຊີ່ງ່ຽງຫູຟັງ
ຄັນນອ້ງຮັບວາຈາ                 ອ້າຍຊີ່ໂອມເອົານອ້ງ

-ຄັນແມ່ນເປັນຈັງຊັ້ນ           ກໍ່ສິບສວ່ນບຸນສວນ
ຄັນແມ່ນບຸນສວນມີ             ຊີ່ປູກປີກີນກວ້ຍ

-ຄັນແມ່ນທາງເຈົ້າເຕື້ອງ     ຂອ້ຍຊີ່ງຽ່ງກະບຸງຕັກ
ຄັນເຈົ້າໃຂກະທໍຢາ               ຊີ່ແລນຕຳກໍກວ້ຍ

-ຄັນແມ່ນເປັນຈັງຊັ້ນ          ກໍ່ສິບສວ່ນບຸນສວນ
ຄັນແມ່ນບຸນສວນມີ            ຊີ່ປູກທະນີຕຳສົ້ມ

-ຄັນແມ່ນເປັນຈັ່ງຊັ້ນ         ກໍ່ສິບສວ່ນບຸນເຈົ້າຫົວ
ຄັນແມ່ນບຸນຈົວມີ              ຊີ່ຄອຍເຄນພາເຂົ້າ

-ຄັນແມ່ນເປັນຕາໄດ້          ຊີ່ສານໃຊລົງໃສ່
ຄັນແມ່ນຊີ່ບໍ່ໄດ້                  ໃຊຊີ່ໃຫ້ຕໍ່ປາ

-ຄັນແມ່ນເປັນຕາໄດ້         ຊີ່ຂໍກີນງາຍຮວ່ມ
ຄັນຊີ່ໄດ້ຮວ່ມຫອ້ງ             ໃກໃກ້ກະຊີ່ມາ

-ຄັນແມ່ນຄິດຮອດອ້າຍ    ໃຫ້ຫຼຽວເບີ່ງດວງດາວ
ຂໍໃຫ້ສາຍຕາເຮົາ               ກອ່ມກັນຢູ່ເທີງຟ້າ

-ຄັນແມ່ນເຈົ້າຮັກຂອ້ຍ     ໃຫ້ຫຼຽວເບີ່ງດວງດາວ
 ຂໍໃຫ້ສາຍຕາເຮົາ              ກອ່ມກັນຢູ່ເທີງຟ້າ

-ຄັນແມ່ນເຈົ້າຂີ່ຊ້າງ         ຂອ້ຍຊີ່ຂີ່ແມວຂັດ
ບາດຫ່າບຸນແມວມີ           ຊີ່ໃຫ່ຍສູງພຽງຊ້າງ

-ຄັນແມ່ນເຈົ້າຂີ່ມ້າ           ຂອ້ຍຊີ່ຂີ່ຫມາຂັດ
ລາງເທືອບຸນຫມາມີ          ຊີ່ແລ່ນໄວຄືມ້າ

-ຄັນເຈົ້າຢູ່ເຮືອນຫ້າງ        ຂອ້ຍຊີ່ຢູ່ຖຽງນາ  
ຄັນແມ່ນບຸນຖຽງມີ           ຊີ່ໃຫ່ຍພຽງເຮືອນຫ້າງ

-ຄັນອ້າຍຄິດຮອດນອ້ງ      ໃຫ້ຫຼຽວເບີ່ງເມຄາ
ກອ້ນຂີ້ເຝື້ອມັນໃຫຼ             ກໍ່ດັ່ງໃຈຂອງນອ້ງ  

ຕອນ ຄັນຊີ່
ຄັນຊີ່ເປັນຂຸນໃຫ້                ຖາມເບີງພວກໃຜ່
ຄັນແມ່ນບໍ່ພອ້ມ                ແປງບ້ານບໍ່ເຮືອງ
   
-ຄັນຊີ່ເດີນໄປຫນ້າ              ໃຫ້ຫຼຽວຫຼັງເບີ່ງສາກອ່ນ
ຄັນຟ້າບົດມືດຄື້ມ              ເຊົາຖອ້ນເຈົ້າຢ່າໄປ

-ຄັນຊີ່ຖາມຂ່າວເຈົ້າ           ມີແຟນແລ້ວຫຼືບໍ
ຫຼືວ່າມີແຕ່ຊູ້                       ຜົວຊີ່ຊອ້ນຫາກບໍ່ມີ

-ຄັນຊີ່ກີນ                           ກີນແຕ່ມັນຍັງຮອ້ນ
ແກງບອນບໍ່ຄັນປາກ         ຄັນມັນເຢັນຈື່ງຄຸ້ຍ
ເປືອງອອ້ຍ                         ອອ່ຍບໍ່ລົງ     ເຈົ້າເອີຍ

-ຄັນຊີ່ກີນຕັບຟ້າ               ແຂນບໍ່ຍາວຢື້ບໍ່ຮອດ
ຄັນຊີ່ກີນປອດຟ້າ              ແຂນສັ້ນຢື້ບໍ່ເຖີງ

ຕອນ ໃຈປະສົງ
ໃຈປະສົງສ້າງ                      ກາງດົງກໍ່ວ່າທົ່ງ
ຄັນໃຈບໍ່ຢາກໄດ້                  ກາງບ້ານກໍ່ວ່າດົງ

-ໃຈປະສົງແລ້ວ                   ເມືອງແກວກໍ່ດັ້ນຮອດ
ໃຈປະສົງຍອດແກ້ວ            ໃນຖ້ຳກໍ່ກົ່ນຫາ

-ໃຈປະສົງລ້ຽງມອ້ນ             ຈຶ່ງຄອນມອນນຳສົ່ງ
ໃຈປະສົງເຮັດນາຮວ່ມແລ້ວ  ຈຶ່ງຄອນກ້າແຂ່ງຝົນ

-ໃຈປະສົງຢາກໄດ້ນ້ຳ            ຈຶ່ງຄອນຄຸມາຫາ
ໃຈປະສົງປູປາ                      ຈຶ່ງເອົາສະນາງລົງສອ້ນ

-ໃຈປະສົງຕໍ່ເຈົ້າ                   ໃຜມາກວນກໍ່ບໍ່ຂຸ່ນ
ໃຈປະສົງຕໍ່ເຈົ້າ                     ໃຜມາຕອ້ງຂຸ່ນບໍ່ເປັນ

-ໃຈປະສົງຕັ້ງ                       ນຳນາງທຸກບາດຢ່າງ
ຊີ່ບໍ່ວາງນາດນອ້ງ                ໃລຖີ້ມໃຫ້ແກ່ໃຜ       ນອ້ງເອີຍ

-ໃຈປະສົງແລ້ວ                    ຫວັງຊົມແກ້ມອອ່ນ
ໃຜຊີ່ຊົມກອ່ນອ້າຍ              ຄອງຖ້າເບີ່ງມື
ອ້າຍຊີ່ເພພັງມ້າງ                ຝາແດນກາງໃຫ້ຂາດຖອ່ງ
ພັງເຖີງອຸແອ່ງນ້ຳ               ໃຫ້ເປັນເຟື້ອງທົ່ວເຮືອນ

-ໃຈປະສົງປ້ຳ                       ຊີ່ນຳຮອນຫມົດທຸກງ່າ
ຫມາຍຊີ່ຟັນໃຫ້ມຸດມອ້ຍ    ກອງໄວ້ແລ້ວຈຶ່ງເຜົາ

ຕອນ ເຈົ້າຜູ້
-ເຈົ້າຜູ້ຜັກອີຕູ່ເຕັ້ຍ             ຕົ້ນຕ່ຳໃບດົກ
ກົກບໍ່ທັນຝັງແຫນ້ນ          ສັງມາຈີຈູມດອກ
ຮາກບໍ່ທັນຢັ່ງພື້ນ               ສັງມາປີ້ນປົ່ງໃບ

-ຜັກອີຕູ່ເຕັ້ຍ             ຕົ້ນຕ່ຳໃບດົກ
ກົກບໍ່ທັນຝັງແຫນ້ນ          ສັງມາຈີຈູມດອກ
ຮາກບໍ່ທັນຢັ່ງພື້ນ               ສັງມາປີ້ນປົ່ງໃບ

-ເຈົ້າຜູ້ເຄືອຜັກສົ້ມ             ບໍ່ສົມເຄືອຜັກໃສ່
ຂອ້ຍຜູ້ຮ້າຍ                         ບໍ່ສົມເຈົ້າຜູ້ດີ

-ເຈົ້າຜູ້ຕີນມືສ້ວຍ               ຫຍິບຊວຍຄືຊີ່ຄອ່ງ
ຄັນແຕ່ງຂອງຂື້ນຮ້ານ        ຄືຊີ່ໃຂ້ບໍ່ເປັນ

-ເຈົ້າຜູ້ດອກເກດກ້ານ        ກາບກອ່ງໃນສວນ
ພໍຢາກເດັດມາຊົມ              ໃຫ້ຊວ່ງໃຈບັກຊຽງນອ້ຍ

-ເຈົ້າຜູ້ຝົນຕົກຫົ້ງ               ໃຫຼລົງໂຮມແຕ່ບອ່ນໂຄກ
ບອ່ນຕ່ຳມີບໍ່ແພ້                 ສັງມາຫົ້ງແຕ່ບອ່ນສູງ

-ເຈົ້າຜູ້ຄຳເຫຼືອບ້ານ             ຄືບໍ່ສານກະຕ່າໃສ່
ບາດຫ່າໄຟໃຫມ້ບ້ານ          ຍັງໄດ້ຫີ້ວກະຕ່າຄຳ

-ເຈົ້າຜູ້ຈຳປີຕົ້ນ                   ລົມມາຢ່າໃຫວຫວັ່ນ
ໃຜຊີ່ມາສັ່ນຕົ້ນ                  ພະອວນເຈົ້າຢ່າຫວັ່ນໃຫວ
ຄັນໄດ້ຝັງຫຼັກແຫນ້ນ         ແສນຊີ່ລົມກໍ່ບໍ່ຫວ່ງ
ອ້າຍຊີ່ນັ່ງຢູ່ກອ້ງ                 ນອນເທີ້ງເບີ່ງລົມ

ກົດທີ່ນີ້ຖ້າຢາກອ່ານຜະຫຍາຕອນທີສີ່

ພະຫຍາບູຮານລາວ - ຕອນສອງ

ຕອນ ຄອງຄອຍ

-ຄອງຄອຍເເຈົ້າ       ຄອຍຫຼາຍຈົນວ່າເບື່ອ
ຄວາມເວົ້າວ່າ          ຊີ່ຫມັ້ນພັນມື້ກໍ່ບໍ່ມາ

-ຄອງຄອຍຖ້າ              ຜີຕາຍບໍ່ກັບເກີດມາດອກ
ໃຫ້ເຈົ້າຫາໃຫ່ມຊອ້ນ   ຊອນໄວ້ດັ່ງກາຍປີ   ນອ້ງເອີຍ

-ຄອງຄອຍເຈົ້າ            ຈົນຫມົດເຂດພັນສາ
ວ່າຊີ່ສິກອອກມາ          ພັດວ່າກາຖີນທອດ
ຫມົດກາຖີນແລ້ວ       ກໍ່ຍັງເສີຍຢູ່ຄືເກົ່າ
ຊີ່ໃຫ້ຄອຍຮອດເຖົ້າ     ເຊົາແລ້ວນອ້ງບໍ່ຄອຍ

-ຄອງຄອຍເຈົ້າ            ຈົນເຂົ້າໃຫມ່ມາເຖີງ
ຄອງຄອຍເຫີງ             ຈົນເຂົ້າປານາແລ້ວ
ແນວນາມເຈົ້າ             ຄົມຄາຍຕົ໋ວະງ່າຍ
ຂອ້ຍຊີ່ເຊົາເຈົ້າໄວ້        ໄປເວົ້າບ່າວໃຫມ່ແທນ

-ຄອງຄອຍເຈົ້າ            ຢູ່ຫົວນາຂອງເກົ່າ
ນົກເຂົາຂັນ                 ກະແຕດແຕ້
ແຈນແວນຮອ້ງ          ແຫ່ງຄິດຫຼາຍ  ອ້າຍເອີຍ

-ຄອງຄອຍເຈົ້າ            ຄືກົບຂຽດຄອຍຝົນ
ຄືຄົນຈົນ                     ຄອຍຄົນຣວຍ
ຢ້ານແຕ່ຕາຍ             ບໍ່ເຫັນຊ້ຳ    ອ້າຍເອີຍ

ຕອນ  ຄັນເຈົ້າ

ຄັນເຈົ້າມີຊູ້ແລ້ວ         ຢ່າລືມຊາຍຜູ້ຖາມໃຖ່
ຄັນເຈົ້າມີໃຫມ່ແລ້ວ    ຢ່າລືມອ້າຍຜູ້ນັ່ງຄອຍ

-ຄັນເຈົ້າເປັນພະຍາແລ້ວ   ຢ່າລືມໃຜ່ເສນາ
ບາດຫ່າສົງຄາມມາ            ຊີ່ເພີ່ງຄົນທັງຄ້າຍ

-ຄັນເຈົ້າໄດ້ກີນເຂົ້າ           ໃຫ້ຝາກໄປນຳກາ
ຄັນເຈົ້າໄດ້ກີນປາ              ໃຫ້ຝາກໄປນຳແຮ້ງ
ຄັນເຈົ້າກີນຊີ້ນແຫ້ງ         ໃຫ້ເຈົ້າແກ່ວງນຳລົມ  ມາເດີ

-ຄັນເຈົ້າເນົາເຮືອນຫ້າງ    ໃຫ້ຫຼຽວລົງທາງລຸ່ມ ແດ່ເນີ
ລາງເທື່ອລົມພັດຍູ້            ຊີ່ໄປຊົ້ນຮົ່ມຮັງ   ກໍ່ບໍ່ຮູ້

-ຄັນເຈົ້າໄດ້ຂີ່ຊ້າງ             ກັ້ງຮົ່ມເປັນພະຍາ
ເຈົ້າຢ່າລືມເສນາ              ຜູ້ແຫ່ນຳຕີນຊ້າງ
ບາດວ່າເສີກມາມ້າງ        ຕີເມືອງໃຜຊີ່ຊອ່ຍ
ພວກເສນາຜູ້ນອ້ຍ          ຊີ່ພອຍໄດ້ຊວ່ຍແຮງ

-ຄັນເຈົ້າມີຜູ້ເຝົ້າ             ຢ່າລືມຊາຍຜູ້ນັ່ງເຈົ່າ
ຄັນເຈົ້າມີຄູ່ເວົ້າ               ຢ່າລືມອ້າຍຜູ້ນັ່ງຄອຍ

-ຄັນເຈົ້າເວົ້າຈັ່ງຊັ້ນ          ກໍ່ໃຫ້ແມ່ນຄຳສາ
ຄັນແມ່ນຊາຕາມີ            ຊີ່ຢູ່ດີເມືອຫນ້າ

-ຄັນເຈົ້າກີນຊີ້ນເນື້ອ       ກໍ່ໃຫ້ຫວ່ງຄຸນຫມາ
ບາດຫ່າໂຈນມັນມາ         ຊີ່ເພີ່ງຫມາກັດໃຫ້

-ຄັນໄດ້ກີນປາແລ້ວ      ຢ່າລືມເອົາແຫຕາກ
ບາດວ່າແຫຂາດສອ້ຍ     ປາຊີ່ຄ້າງຢູ່ບອ່ນໃດ

-ຄັນເຈົ້າໄດ້ກີນເຂົ້າ          ຢ່າລືມຄວາຍຜູ້ໃຖຄາດ
ບາດຄວາຍເຮັດບໍ່ໄດ້       ຊີ່ນອນໃຫ້ນົບຄວາຍ  ແທ້ແລ້ວ

-ຄັນເຈົ້າຫນີໄປແລ້ວ       ກົກຫມິ່ງໃຜຊີ່ແທນ
ກົກແນນໃຜຊີ່ເຝົ້າ         ເຮືອນຂອງເຮົາໃຜຊີ່ຢູ່
ໃຜຊີ່ເປັນຫມູ່ຂອ້ຍ         ຍາມຊີ່ເຂົ້າບອ່ນນອນ

-ຄັນເຂົາຫມີໄປແລ້ວ      ກົກຫມີ່ງອ້າຍຊີ່ແທນ
ກົກແນນອ້າບຊີ່ເຝົ້າ       ເຮືອນຂອງເຮົາອ້າຍຊີ່ຢູ່
ຄົນຊີ່ເປັນຄູ່ນອ້ງ             ເຮືອນນີ້ແມ່ນພີ່ຊາຍ   ນອ້ງເອີຍ

-ຄັນເຈົ້າໄປບວດແລ້ວ     ນອ້ງຊີ່ຢູ່ກັບໃຜ
ໃຈນໍໃຈ                             ກະຊ່າງດຳຄືຫມື້

-ຄັນເຂົາໄປບວດແລ້ວ      ນອ້ງກໍ່ຢູ່ນຳອ້າຍ  ນີ້ແລ້ວ
ແນວໃດມີ                         ໃຫ້ຄອ່ຍຈານຳອ້າຍ

-ຄັນເຈົ້າຊີ່ຕາຍ                 ກໍ່ໃຫ້ຕາຍໄປທອ້ນ
ຕາຍໄປເປັນກະຕ່າຍ        ຂອ້ຍກໍ່ຊີ່ຕາຍ
ໄປເປັນຫນ່າງກອ້ມໆ        ນຳອອ້ມຢູ່ສູ່ດອນ

-ຄັນເຈົ້າຕາຍ                   ເປັນຂີ້ຫມີ້ນ
ຫົວດົງຊົນ                        ຂອ້ຍຊີ່ນຳໄປກົ່ນ
ເກີດເປັນຄົນ                    ຄັນບໍ່ໄດ້ກອ່ມກີ້ງ    
ຕາຍເປັນຂີ້ຫມີ້ນ             ຍັງຊີ່ໄດ້ກອ່ມຄີງ

-ຄັນເຈົ້າເປັນງູ                 ກະບາຮ້າຍ
ປະສົງຫາ                          ກັດຕອດຄົນນັ້ນ
ຂອ້ຍຊີ່ຟັນ                      ເປັນທອ່ນນັ້ນ
ສັບເປັນທອ່ນນີ້               ໂຍນຖີ້ມທົ່ວດີນ

-ຄັນເຈົ້າມີຮົ້ວຂັ້ນ           ສາມພັນວາໄມ້ໃຜ່ປ່າ
ຂອ້ຍຊີ່ເອົາພ້າອີໂຕ້        ຖາງຫມົ້ນເຂົ້າໄປຫາ   ນອ້ງເອີຍ

-ຄັນເຈົ້າເປັນດັ່ງຟ້າຫມື່ນຊັ້ນ   ແສນໂງ່ນຣະງຳດີນ  ກໍ່ຕາມທອ້ນ
ຂອ້ຍຊີ່ເປັນເມຄາ             ເລື່ອນໃຫຼໄປຫາເຈົ້າ

-ຄັນເຈົ້າເອົາພູຜາກັ້ນ      ເຫວຊັນຕັນຊອ່ງ
ຂອ້ຍຊີ່ຕິດປີກເປື້ອງ        ມາກີນເຂົ້າຮວ່ມງາຍ   ນອ້ງເອີຍ

-ຄັນເຈົ້າລອ້ມຮົ້ວຊັ້ນ        ຈິກແກ່ນລຽນລຳ
ຄັນເອົາຫມາມປົກເທີງ     ຂອ້ຍຊີ່ລົງທາງໃຕ້
ຄັນແມ່ນໄປບໍ່ໄດ້               ເຫຼັກກົງກວາຍຊີ່ລົງຊວ່ຍ
ຄັນແມ່ນກວ່າຍບໍ່ໄດ້         ຊີ່ເຊີນຟ້າຜ່າລົງ

-ຄັນເຈົ້າມີເຮຶອນຫ້າງ       ຢ່າລືມຫມູ່ຫມູຫມາ
 ບາດຂະໂມຍມາລັກ          ຊີ່ເຫົ່າຫອນໃຫ້ມັນຢ້ານ

-ຄັນນອ້ງໃຂທາງໃຫ້          ຂອນເຕັມວັງອ້າຍຊີ່ໂຕນຜ່າ
ຝູງຫມູ່ເງືອກແລະແຂ້       ຊີ່ກີນອ້າຍຕາຍບໍ່ແຫນງ   ນອ້ງເອີຍ

ຕອນ ຄັນບໍ່

-ຄັນບໍ່ຈິງເຈົ້າຢ່າເວົ້າ          ຄັນບໍ່ເອົາເຈົ້າຢ່າວ່າ

ຢ້ານຄືຕອກມັດກ້າ           ດຳນາແລ້ວຢຽບໃສ່ຕົມ

-ຄັນບໍ່ເປັນຕາເວົ້າ             ເຊົາສາເວົ້າຜູ້ໃຫມ່
ຊູ້ຊີ່ຮ້າງ                              ຊາວຍ້ານເພີ່ນຊີ່ຫຍັນ

-ຄັນບໍ່ເປັນຕາສົ້ມ             ງົມໄປກໍ່ຄືເກົ່າ
ຄັນບໍ່ເປັນຕາເວົ້າ             ຕົວເຈົ້າຢ່າຊີ່ຈາ

-ຄັນບໍ່ມີຂອນຂວງ           ຊາວແຫກໍ່ຊີ່ຄວ່ງ
ຄັນບໍ່ມີຜູ້ທວ້ງ                 ທາງຂອ້ຍຊີ່ຫວ່ານແຫ

ຄັນບໍ່ເປັນຕາຫຼ້າງ            ຊີ່ລານາງເລີກນ່າງ
ຄັນເປັນຕາຊີ່ໄດ້               ຊີ່ໂງໂຄ້ງຕ່າວຄືນ

ກົດທີ່ນີ້ຖ້າຢາກອ່ານຜະຫຍາຕອນທີສາມ

ຜະຫຍາພາສິດບູຮານລາວ

ຜະຫຍາພາສິດບູຮານລາວເປັນວັນນະຄະດີບູຮານອັນເກົ່າແກ່ ທີ່ນັກປາດລາວໄດ້ໄຊ້ສື່ສານ ໃນຊີວີດປະຈຳວັນ

 ແລະໄດ້ບັນທືກໄວ້ໃນຄຳພີໃບລານມາເປັນເວລາ ຫຼາຍພັນປີ ແລະພໍສະລູບໄດ້ເປັນສາມຫົວຂໍ້ໃຫ່ຍໆດັ່ງຕໍ່ລົງໄປນີ້


ຫົວຂໍ້້ທີນື່ງ ແມ່ນໃຊ້ສຳຫຼັບກຽ້ວພາລາສີຣະຫຼວ່າງຜູ້ບ່າວແລະຜູ້ສາວ ເອີ້ນວ່າ ຜະຫຍາຮັກ

ຫົວຂໍ້ທີສອງ ໃຊ້ເປັນຄະຕິເຕືອນໃຈ ເອີ້ນວ່າ ຜະຫຍາພາສີດ




ຫົວຂໍ້ທີສາມ ໃຊ້ໃຫ້ຄົນເອົາໄປຄິດພິຈາຣະນາເພື່ອເປັນແສງທຽນແຍງທາງໃນການດຳລົງຊີວີດປະຈຳ
ວັນ ເອີ້ນວ່າ ຜະຫຍາປິສນາ

ຕົວຢ່າງ ຜະຫຍາຮັກ
ຍີງ    ອ້າຍນັ້ນກຽ້ງແຕ່ນອກ   ທາງໃນເປັນຫມາກເດືອ
         ອ້າຍນັ້ນກຽ້ງປາກບັ້ງ     ຂັງຂໍ້ປາກກະທໍ   ນັ້ນແລ້ວ
ຊາຍ  ອ້າຍນີ້ກຽ້ງຮອດໃສ້      ໃສຮອດກະດູກ
         ກຽ້ງຮອດລູກອອ່ນນອ້ຍ  ຫຼານຊີ່ຫອ້ຍກໍ່ບໍ່ມີ

ຄຳກຽ້ວສາວ ຄັນເຈົ້າມີຊູ້ແລ້ວ    ຢ່າລືມຊາຍຜູ້ຖາມໄຖ່
                     ຄັນເຈົ້າມີໃຫ່ມແລ້ວ  ຢ່າລືມອ້າຍຜູ້ຄອຍ  ນອ້ງເອີຍ

ຍີງ     ຢ່າມາຕິຖະແລງລົ້ມ      ຕົມບໍ່ມີພະລາດມື່ນ
         -ຢ່າມາຕົ໋ວະຫຼອກຫຼໍ້       ລວງນອ້ງແລ້ວບໍ່ເອົາ
ຊາຍ  ບໍ່ໄດ້ຕິຖະແຫຼງເວົ້າ        ຄັນບໍ່ເອົາອ້າຍບໍ່ວ່າ
         -ຮັບຟ້າຜ່າກໍ່ໄດ້             ໃຈອ້າຍຮັກແຕ່ນາງ...ນອ້ງເອີຍ

ຕົວຢ່າງ ຜະຫຍາພາສິດ
ສອນຊາວບ້ານ ຄັນເຈົ້າເປັນສາວນັ້ນ   ຄອງທຳໃຫ້ຫມັ່ນຖອ່ງ
                         ຕີນຜົມໃຫ້ຫຼ່ຳກຽ້ງ     ຕີນສີ້ນໃຫ້ຫຼ່ຳພຽງ

ສອນຂ້າຣາຊການ   ຄັນຊີ່ເປັນຂຸນໃຫ້   ຖາມດູພວກໃຜ່
                                ຄັນແມ່ນໃຜ່ບໍ່ພອ້ມ   ແປງບ້ານບໍ່ເຮືອງ

ສອນປັນຍາຊົນ        ແມ່ນຊີ່ມີຄວາມຮູ້     ເຕັມພຸງພຽງປາກກໍ່ຕາມທອ້ນ
                                 ຄັນສອນໂຕເອງບໍ່ໄດ້   ໃຜຊີ່ຍອ້ງວ່າດີ

ສອນພະສົງ              ອັນວ່າສັງໂຄເຈົ້າ           ບໍ່ຖືຄອງຄຳສວດ
                                 ແມ່ນຊີ່ບວດຮອດເຖົ້າ   ບຸນເຈົ້າກໍ່ບໍ່ມີ  ດອກນ໋າ

ຕົວຢ່າງ ຜະຫຍາປິສນາ
ຍີງ     ຢ່າມາຕົກກ້າໄວ້   ເທີງໂພນໃຫ້ນ້ຳແຊ່
          ຢ່າມາຫວ່ານກ້າໄວ້  ໃນນ້ຳໃຫ້ພວກກີນ (ຜູ້ຍີງຢ້ານຖືນຫຼອກຈຶ່ງເວົ້າຄຳນີ້ອອກມາ)
ຊາຍ   ເປັນຊາຍນີ້        ວາຈາຕອ້ງຫມັ້ນທຽ່ງ
          ຄວາມເວົ້າຫຼຸດອອກຈາກປາກແຕ່ລະຄັ້ງ  ເປັນຄວາມຫມັ້ນທຽ່ງຈິງ  (ຜູ້ຊາຍຕອບ)

ຜະຫຍາປິສນາເປັນຄຳສອນໃຫ້ຄິດ
-ໂຕບຸນນັ້ນ   ຫົວດຳກົ້ນກ່ານ
ໂຕບາບນັ້ນ  ຫົວສັ້ນຮົ່ມເຫຼືອງ

-ຢາກກີນເຂົ້າ   ໃຫ້ປູກໃສ່ພະລານຫີນ
ຢາກມີສີນ       ໃຫ້ຂ້າພໍ່ຕີແມ່

-ຢາກອຸ່ນໃຫ້      ອາບນ້ຳຍາມຫນາວ
ຢາກກີນປາຂາວ  ໃຫ້ແບກແຫຂື້ນໂຄກ

ຜະຫຍາຂອງລາວ ເປັນວັນນະຄະດີບູຮານທີ່ມີຄຸນຄ່າມະຫາສານ ຍາກທີ່ຈະປະເມີນໄດ້ ແລະຢູ່ແຕ່ລະພາກຂອງ ປະເທດລາວ ກໍ່ມີຜະຫຍາປະຈຳທອ້ງຖີ່ນຂອງໃຜມັນ ຊື່ງຍາກທີ່ຈະເກັບກຳໄດ້ຫມົດ ສະນັ້ນຂ້າພະເຈົ້າຈື່ງຂໍນຳ
ເອົາບາງສວ່ນຂອງຜະຫຍາບູຮານລາວ ມາໃຫ້ທ່ານໄດ້ສືກສາ ແລະແບ່ງອອກເປັນຕອ່ນໆດັ່ງຕໍ່ໄປນີ້

ຕອ່ນ ໄກ
-ໄກຂໍໃຫ້ໄກແຕ່ບ້ານ    ຮົ້ວໄຮ່ນາສວນ
 ໄກຂໍໃຫ້ແຕ່ມວນ        ຫມູ່ເຮືອນກັບເລົ້າ
 ສວ່ນວ່າວາຈາເວົ້າ       ສອງຄົນເຮົາຢ່າໄດ້ຫ່າງ
 ຕ່າງຄົນແມ່ນຊີ່ຢູ່ຕ່າງບ້ານ  ແຕ່ຄວາມເວົ້າຢ່າຕ່າງກັນ

-ໄກຂໍໃຫ້ໄກແຕ່ຫນ້າ    ຊີ່ໄປມາບໍ່ໃຫ້ຫ່າງ
ສວ່ນຈີດໃຈຂອ້ຍຢູ່ພີ້    ຊີ່ໄປພຸ້ນແຕ່ຮາງຄີງ

-ໄກກາຍເຈົ້າ               ແຕ່ໃຈຢູ່ນຳນາງ
ບໍ່ມີທາງໄກກັນ            ໃຫ້ພາກຫນີໄກຂ້າງ
ແມ່ນຊີ່ຢູ່ຝາກຟ້າ        ຊີ່ຫຍໍ້ເປັນແຜ່ນດີນດຽວ
ຄາວສິບຄືນຊາວຄືນ    ຊີ່ຫຍໍ້ເປັນຄາວມຶ້
ຄັນຄວາມຮັກມັນຄືເຂົ້າ ຊີ່ຂໍກີນໃຫ້ມັນອີ່ມ
ຄັນຄວາມຮັກຄວາມມັກ ຄືນ້ຳບໍ່ແກ້ວ  ຊີ່ລົງລ້າງອາບສົງ  ນອ້ງເອີຍ

-ໄກມື້ນີ້                   ມື້ອື່ນຊີ່ມາຫາ
ຄັນແມ່ນຊີວາຍັງ      ຊີ່ຫມັ່ນມາຫາເຈົ້າ

-ໄກໄປຫນ້າ              ບໍ່ມີວັນຊີ່ມາຈວບ
ຫຼາຍຂວບເຂົ້າ          ພັນມື້ພັດແຫ່ງໄກ

-ໄກໄປຫນ້າ              ບໍ່ຄືນມາບອ່ນເກົ່າ
ເຮັດຜິດກໍ່ແມ່ນເຈົ້າ  ເວົ້າບໍ່ຟັງກໍ່ແມ່ນເຈົ້າ
ຢາກເຫັນຂອ້ຍ          ໃຫ້ເບີ່ງຫມອນ  ອ້າຍເອີຍ

ຕອນ ກຽ້ງແຕ່
-ກຽ້ງແຕ່ປາກ                  ທາງໃນເປັນຫມາກເດືອ
ຫວານແຕ່ທາງນອກເນື້ອ  ໃນສົ້ມດັ່ງຫມາກນາວ

-ກຽ້ງແຕ່ປາກເຈົ້າເວົ້າ       ໃຈເຈົ້າເລົ່າໂງຄົດ
ໃຈຄົດໄປຄົດມາ                  ປຽບດັ່ງງູລອຍນ້ຳ

-ກຽ້ງແຕ່ຍາມຢາກໄດ້        ຄວາມໃດດີເອົາມາວ່າ
ບາດວ່າໄດ້ຂອ້ຍແລ້ວ         ມີມ້າຢາກຂີ່ຫນີ 

-ກຽ້ງແຕ່ປາກ                    ຄວາມຕົ໋ວະເຕັມກະຕ່າ
ບາດວ່າຈັບໄດ້ແລ້ວ            ຊີ່ຂາຍຫນ້າທົ່ວເມືອງ  ຄົນຂີ້ຕົ໋ວະເອີຍ 

ຕອ່ນ ຂອ້ຍນີ້
-ຂອ້ຍນິ້ຄືດັ່ງເຊື້ອຊາດແຮ້ງ   ເຫມັນສາບກຸຍຜົງ
ບໍ່ແມ່ນແນວນາມຫົງ           ຊີ່ຫອ່ນທຽມພະຈັນໄດ້

-ຂອ້ຍນີ້ຄືດັ່ງບົວຢູ່ນ້ຳ        ຮາກຢັ່ງບໍ່ເຖີງດີນ
ໃຫຼວຽນໄປເວີນມາ               ກໍ່ບໍ່ມີເຟືອຍຄ້າງ

-ຂອ້ຍນີ້ຄົນຂີ້ຮ້າຍ               ຄືເຮືອແຕກຢາຂີ້ຊີ
ຢາທາງຫົວ                         ຫົ່ວລົງທາງທ້າຍ
ຄັນຊີ່ໃຊ້                             ຢາໃຫ້ດີ ຢ່າໃຫ້ຫົ່ວ
ຂ້າມແມ່ນ້ຳ                        ທະເລກວ້າງກໍ່ປອດໃພ

-ຂອ້ຍນີ້ຄືດັ່ງໃກ່ຜູ້ນອ້ຍ       ພໍແຕ່ກໍ່ຮຽນຂັນ
ຕົບປີກຍັງບໍ່ດັງ                  ສຽງຂັນຍັງບໍ່ກ້າ   ຈາເວົ້າກໍ່ຍໍ່ເປັນ

-ຂອ້ຍນີ້ຄືດັ່ງໃຊຫຼັງຫຼ້າ        ບໍ່ຫມານປານຳເພີ່ນ
ຖືກກໍ່ໃສ່ຄ້າງໄວ້                 ບໍ່ຖືກກໍ່ໃສ່ຄ້າງໄວ້  ສຸດແລ້ວແຕ່ປາ  ເຈົ້າເອີຍ

-ຂອ້ຍນີ້ຄືດັ່ງປາເຂງຂອ້ນ   ຫນອງນານ້ຳເຂີນຂາດ
ຄັນແມ່ນຝົນບໍ່ມາຢາດໃຫ້  ຊີ່ຕາຍຍອ້ນແດດເຜົາ

-ຂອ້ຍນີ້ຄືດັ່ງບົວຫວັງນ້ຳ    ຊີ່ນຳໄປທຸກບອ່ນ
ຄັນວ່ານ້ຳແກ່ງຂື້ນ             ບົວຊີ່ຢື້ຢືດນຳ

-ຂອ້ຍນີ້ຄືດັ່ງພູລາມຄ້າງ    ປາຍຊານຕາກແດດ
ຄັນບໍ່ຕັກນ້ຳພົມ               ຄັນບໍ່ອົມນ້ຳພູດ
ພູຊີ່ແຫ້ງ                         ຫຽ່ວຕາຍເຈົ້າເອີຍ

ກົດທີ່ນີ້ຖ້າຢາກອ່ານຜະຫຍາຕອນທີສອງ

ເງີນເປັນພະເຈົ້າ

           ເງີນເປັນພະເຈົ້າ

   

    ສະບາຍດີ     ເພື່ອນຝູງທັງຫຼາຍ
    ຂໍບັນຍາຍ    ເງີນເປັນພະເຈົ້າ
    ສະໄມເກົ່າ     ຢູ່ປະເທດລາວ
    ບໍ່ໄດ້ກ່າວ      ເຖີງເລື່ອງເງີນຄຳ

    ທຸກຄົນທຳ     ໄຮ່ນາຮົ້ວສວນ
    ໃຜກໍ່ມວ່ນ     ຫນ້າເບີກຕາບານ
    ບໍ່ໄດ້ຢ້ານ       ຈະມີຫນີ້ສີນ
    ມີກໍ່ກີນ          ບໍ່ມີກໍ່ກີນ

    ລາວມີດີນ      ອຸດົມຮັ່ງມີ
    ເຮັດນາປີ        ກຸ້ມຫມົດທຸກຢ່າງ
    ແລ້ວຍູທ່າງ     ນັ່ງກີນນັ່ງທານ
    ລຽ້ງລູກຫຼານ   ເປັນສິບກໍ່ໄດ້

    ບໍ່ຕອ້ງໄຊ້        ຮອດກັບເງີນຕຼາ
    ຕື່ນຂື້ນມາ       ເອົາປາໃນຫວ້ຍ
    ເອົາຫມາກກວ້ຍ  ມາສູ່ກັນກີນ
    ບໍ່ໄດ້ຍິນ           ໃຜຈົ່ມເລື້ອງທຸກ

    ຕົກມາຍຸກ       ເງີນເປັນພະເຈົ້າ
    ໃຜກໍ່ເວົ້າ          ແຕ່ເລື້ອງເງີນຕຼາ
    ຫາໄດ້ມາ          ວ່າບໍ່ພໍໃຊ້
    ເລີຍຫັນໄປ       ຂາຍມູນພໍ່ແມ່

    ຄວາມເພື່ອແຜ່  ກໍ່ເລີຍຫມົດໄປ
     ຫມົດເຍື້ອໃຍ     ຄວາມເປັນພີ່ນອ້ງ
    ອ້າຍແລະນອ້ງ    ຍາດມູນຍາດມັງ
    ບໍ່ເຄີຍຟັງ          ເຖີງຄວາມຜີດຖືກ

    ມີແຕ່ນືກ          ເຖີງຄວາມຢາກໄດ້
    ຂໍແຕ່ໃຫ້            ໄດ້ມາເງີນຕຼາ
    ບໍ່ໄດ້ວ່າ              ເພື່ອນມິດສະຫາຍ
    ໃຜຈະຕາຍ         ກໍ່ບໍ່ເຄີຍຫວ່ງ

    ນີ້ແມ່ນຊວ່ງ       ເງີນເປັນພະເຈົ້າ
    ຖ້າຈະເລົ່າ          ບໍ່ສຸດຈັກເທື່ອ
    ເປັນຕາເບື່ອ       ຄົນບ້າເງີນຕຼາ
    ຂອ້ຍຂໍລາ           ໄປພຽງເທົ່ານີ້

    ໃຫ້ທ່ານມີ          ຄວາມສຸກທຸກຢ່າງ
    ເດີນຫຼືຢ່າງ         ໃຫ້ຮອດຈຸດຫມາຍ
    ມີເງີນຫຼາຍ         ກິນທານນຳແດ່
    ຄວາມສຸກແທ້     ຢູ່ທີ່ຈີດໃຈ   ທ່ານເອີຍ

                  ຈົບກອນ - ແຕ່ງໂດຍ: ຂ.ບຸດວິເສດ


                                       ເຊີນຟັງເພງ "ເງີນ" ຮອ້ງໂດຍ: ຄຳຫຼ້ານໍ່ແກ້ວ

ກອນດອກຈຳປາ

ຈຳປາເປັນດອກໄມ້ ປະຈຳຊາດຂອງລາວ
ມີສີແດງເຫຼືອງຂາວ ກິ່ນຫອມຊວນໄຊ້
ເກັບເອົານຳໄປໃຫ້ວ ເຈດີພະທາດໃຫ່ຍ
ບູຊາພະກໍໄດ້ ກຸສົນລົ້ນມາກມາຍ

ຫຼຽວໄປຍັງຮົ້ວຕ້າຍ ຈຳປາເກີດຊອນລອນ
ຊາວລາວແສນສະອອນ ປູກປະດັບເມືອງໄວ້
ມີແຕ່ເຫືນອເຖີງໃຕ້ ແຂວງໃດບໍ່ອືດຢາກ
ມີຢູ່ຫມົດທຸກພາກ ຊີ່ລືມໄດ້ຢ່າງໃດ

ເລາະໄປຕາມເຂດໃຕ້ ຂົງເຂດຈຳປາສັກ
ວັດພູຖືເປັນຫຼັກ ມາກມີຈຳປາເອ້
ມີດອກຫຍັງຊີ່ເກ້ ເຫນືອຈຳປາບານເບ່ງ
ນັກຮອ້ງຍັງແຕ່ງເພງ ຊື່ຈຳປາເອົາໄວ້ ໃຫ້ຄົນຮອ້ງສືບມາ

ບັດນີ້ ລາວເຮົາທຸກທົ່ວຫນ້າ ຕັ້ງໃຈໃສ່ຮັກສາ
ປົກປັກດອກຈຳປາ ໃຫ້ຢູ່ຮຽງຄຽງບ້ານ
ບໍ່ໃຫ້ໃຜມາຄ້ານ ເອົາໄປເປັນອື່ນ
ຈຳປາຫອມສົດຊື່ນ ເປັນຂອງເຊື້ອຊາດລາວ ທ່ານເອີຍ

WorldVentures Presentation 2014 Australia

Easy explanation how to make money with WorldVentures

How to get started fast

Worldventures New Compensation Plan 2014

World Ventures International Travel Business Presentation

World Ventures Presentation Welcome Australia