ພະຫຍາພາສິດບູຮານລາວ - ຕອນທີສີບເອັດ

ຕອນ - ອົດສາ
-ອົດສາລ້ຽງຊ້າງເຖົ້າ             ຂາຍງາຍັງມີຄ່າ
 ດີກວ່າລ້ຽງຊ້າງນອ້ຍ           ຂາຍແລ້ວຂາດທືນ

-ອົດສາລ້ຽງ                           ຄວາຍບັກເລໄວ້ຖ້າຫ່າ
 ຄັນວ່າຫ່າບໍ່ພໍ້                       ຍັງຊີ່ໄດ້ແກ່ໄຖ

-ອົດສາເຍື້ອນ                        ນອນເຮືອນຝາກໄມ້ໃຜ່
 ບາດໂຊກໃຫ່ຍມາແລ່ນເຂົ້າ  ຊີ່ນອນແປ້ນແຜ່ນຂະຍູງ

-ອົດສາສູ້                               ກີນປາທູຕ່າງປາແດກ
 ອົດສາກີນນ້ຳຕົ້ມ                 ຊາມໄດ້ກີນນ້ຳນົມ

-ອົດສາເຍື້ອນ                        ກີນຂີງຕ່າງຄ່າ
 ອົດສາມັກອ້າຍ                     ຊາມໄດ້ແຕ່ງດອງ

- ອົດສາເຍື້ອນ                      ກີນລີງຕ່າງກະຕ່າຍ
 ອົດສາເວົ້າຜູ້ຮ້າຍ                 ຊາມພໍ້ຜູ້ດີ

-ອົດສາລ້ຽງຊ້າງເຖົ້າ             ຂາຍງາຍັງມີຄ່າ
 ດີກວ່າລ້ຽງຊ້າງນອ້ຍ           ຂາຍແລ້ວຂາດທືນ

ຕອນ - ຢ່າຊີ່ມາ
-ຢ່າຊີ່ມາລວງລໍ້                     ໃຫ້ຄິດຕໍ່ນຳຫຼາຍ
 ຢ່າຊີ່ມາຕົ໋ວະຊາຍ                 ໃຫ້ຄີດນຳແລງເຊົ້າ

-ຢ່າຊີ່ມາເວົ້າ                          ອວດເກ່ງວ່າມີເງີນ
 ຢ່າຊີ່ມາສຳຫາວ                    ວ່າເຈົ້າມີເງີນລ້ານ
 ເພາະວ່າຄົນລວຍນີ້               ບໍ່ມີໃຜຊີ່ມາອວດ
 ຄືດັ່ງຖັງໃສ່ນ້ຳ                       ຕີໄດ້ກໍ່ບໍ່ດັງ  ທ່ານເອີຍ

-ຢ່າຊີ່ມາຕົ໋ວະຂອ້ຍ                ກີນແກງບອນໃຫ້ຄັນປາກ
 ຢ່າຊີ່ມາຝາກລົມປາກໄວ້      ແຕ່ໃຈເຈົ້າບໍ່ເອົານຳ

-ຢ່າຊີ່ມາທຽບຂອ້ຍ                ໃສ່ຄົນອື່ນທັງຫຼາຍ
 ເພາະວ່າໃຈຂອງນາງ             ແມ່ນບໍ່ຄືໃຈເຈົ້າ
 ເຈົ້າຫາກມີຫຼາຍຊູ້                 ຫຼາຍຄົນຊອ້ນຢູ່
 ເຈົ້າຊີ່ຄີດວ່າຂອ້ຍ                 ຄືເຈົ້າຢ່າຊີ່ຝັນ    ອ້າຍເອີຍ

ຕອນ - ຢ່າຊີ່ໃລ
-ຢ່າຊີ່ໃລເສັຍຖີ້ມ                    ທາງເຮົາເຄີຍທອ່ງ
 ຢ່າຊີ່ລະພີ່ນອ້ງ                       ຫນີໄປຍອ້ງຜູ້ອື່ນດີ

-ຢ່າຊີ່ໃລຂອ້ຍຖີ້ມ                   ຄືແຕງກາງໄຮ່
 ເຈົ້າຫາກກີນຫນ່ວຍແລ້ວ     ຊີ່ໃລຖີ້ມແຕ່ເຄືອ

-ຢ່າຊີ່ໃລເສັຍຖີ້ມ                    ພົງພັນເຊື້ອເກົ່າ
 ຢ່າຊີ່ລະເຜົ່າເຊື້ອ                    ເມືອຍອ້ງວ່າເພີ່ນດີ

-ຢ່າຊີ່ໃລຂອ້ຍໄວ້                      ໃນໄຮ່ແກມຫມູ່ກາ
 ຢ່າຊີ່ປະໄວ້ໃນນາ                     ແກມຫມູ່ໃກ່
 ຢ່າຊີ່ໃລຂອ້ຍຖີ້ມ                    ກາງບ້ານເພີ່ນຂີ່ຫຫຍັນ

-ຢ່າຊີ່ໃລອ້າຍຖີ້ມ                    ໄປຄວງແຟນຄົນໃຫ່ມ
 ບາດເຂົາປະປອ່ຍນອ້ງ           ຊີ່ນອນໃຫ້ໃສ່ຫມອນ  ນອ້ງເອີຍ

ຕອນ - ອັດສະຈັນ
-ອັດສະຈັນໃຈເຈົ້າ                      ປາກວ່າບໍ່ຄືໃຈ
 ບອກຮັກກັບຊາຍໃດ                 ກໍຊ່າງຫຼົງລືມໄດ້
 ຕົ໋ວະໃຫ້ຫຼາຍຄົນເກີ້                  ລະເມີເປັນບ້າປວ່ງ
 ຫຼົງຄາລົມປາກເວົ້າ                   ແຕ່ໃຈເຈົ້າບໍ່ເອົາຈີງ

-ອັດສະຈັນໃຈເຈົ້າ                     ດວງດຽວບໍ່ຄືຫມູ່
 ຫົວໃຈດຽວແທ້ໆ                      ເອົາຊາຍເຂົ້າໄດ້ຫມື່ນຄົນ

-ອັດສະຈັນໃຈເຈົ້າ                      ປາກວ່າບໍ່ຄືໃຈ
 ບອກຮັກກັຍຄົນໃດ                  ກໍຊ່າງຫຼົງລືມໄດ້

-ອັດສະຈັນໃຈເຈົ້າ                     ຕົ໋ວະຊາຍມື້ຮອ້ຍເທື່ອ
 ຍາມໃດຊີ່ເວົ້າຈີງແທ້               ສັງຕົ໋ວະໄດ້ຄູ່ສູ່ຍາມ

-ອັດສະຈັນໃຈແຂ້                    ຫາງຍາວສັງບໍ່ໄວ້ຮອງນັ່ງ
 ບາດກະຕ່າຍຫາງກອ້ມໆ         ສັງມາໄດ້ນັ່ງຮອງ

-ອັດສະຈັນໃຈກຸ້ງ                     ຫຼັງງໍຢຽດບໍ່ອອກ
 ສາກກະເບືອບໍ່ມາຢຽດໃຫ້       ຫຼັງກຸ້ງຢຽດບໍ່ເປັນ

-ອັດສະຈັນໃຈກຸ້ງ                     ຊີ່ກຸມກີນປາບຶກໃຫ່ຍ
 ປາຊີວໃລ່ສວບແຂ້                 ຫນີໄປຊົ້ນຢູ່ເຫີບຫີນ
 ອ່ຽນເປີດນ້ຳ                           ຫນີຈາກບວດວັງຕົມ
 ມັນໄປແປງຮວງຮັງ               ຢູ່ເທີງປາຍໄມ້

ຕອນ - ເອົາຍາວໄວ້
-ເອົາຍາວໄວ້                              ຄືສາຍໂທຣະເລກ
 ບາດຫ່າເກີດເຫດຮອ້ນ            ຍັງຊີ່ໄດ້ເພີ່ງສາຍ

-ເອົາຍາວໄວ້                              ຄືສີນໃຊຟັນໄຮ່
 ປີນີ້ປ້ຳ                                      ປີຫນ້າຈີ່ງຄອ່ຍຮອນ

-ເອົາຍາວໄວ້                              ຄືປາໃຫຼຍາວອ່ຽນ
 ຕົ້ມໃສ່ຫມໍ້                               ກີນແລ້ວຈັ່ງແມ່ນແນວ

ຕອນ - ຮຽມນີ້
-ຮຽມນີ້ຄົນຂີ້ຄ້ານ                     ປະສົງຫາແຕ່ນາເກົ່າ
 ນາຊ່າວມີບໍ່ແພ້                        ໃຈຂອ້ຍບໍ່ຢາກທຳ

-ຮຽມນີ້ຄືດັ່ງດວງດອກໄມ້         ບານຢູ່ກາງດົງ
 ຝົນບໍ່ຕົກລົງໂຮຍ                     ຊີ່ຫຼົ່ນຂຸຄາຕົ້ນ

-ຮຽມນີ້ເປັນດັ່ງສາຂາໄມ້           ລຳດຽວບໍ່ມີຄູ່
 ໄມ້ຫາກມີແຕ່ຕົ້ນ                     ເຄືອຊີ່ກ້ຽວຫາກບໍ່ມີ

-ຮຽມນີ້ບໍ່ໄດ້ຫວັງສຸກຍອ້ນ         ບຸນໃຜມາເຫຼື່ອມ
 ສຸກກໍ່ສຸກເພີ່ ນພຸ້ນ                    ບໍ່ມີກຸ້ມຮອດເຮົາດອກນ໋າ

-ຮຽມນີ້ຄືດັ່ງຫມາກຟັກນອ້ຍ     ລີ້ຢູ່ໃນຫນາມ
 ຄັນຊີ່ຕີງຄີງແຮງ                       ຢ້ານແຕ່ຫນາມເກາະເນື້ອ

-ຮຽມນີ້ເຫືມອນດັ່ງຫົງຄຳຝ້າຍ         ຫນອງສະໂນບີນເວີ່ນ
 ລົງກະລົງບໍ່ໄດ້                                   ສະໂນລົ້ມຂວ່າຍຂີນ

-ຮຽມນີ້ປຽບດັ່ງແນວນາມເຫມັ້ນ       ເຫມັນກຸຍຮອດກະດູກ
 ແມ່ນຊີ່ປູກຕົ້ນອົ້ມໄວ້                        ທຽມຂ້າງກໍ່ບໍ່ຫອມ

ຕອນທີສີບສອງຍັງບໍ່ທັນແລ້ວເທື່ອ......Coming soon.....


         

ພະຫຍາພາສິດບູຮານລາວ - ຕອນທີສີບ

ຕອນ - ສິບຊີ່ - ຊາວຊີ່
-ສິບຊີ່ຮ້າງ ຊາວຊີ່ຮ້າງ                      ໃຫ້ຮ້າງໄຮ່ນາສວນ
 ສວ່ນວ່າສອງຄົນເຮົາ                       ຢ່າໄດ້ມີຍາມຮ້າງ

-ສິບຊີ່ຮ້າງ ຊາວຊີ່ຮ້າງ                      ຢ່າໄດ້ຫ່າງໃກກັນ
 ຂໍໃຫ້ພໍຫຼຽວເຫັນ                            ໃຫ້ຊວ່ງໃຈແລງເຊົ້າ

-ສິບຊີ່ເວົ້າ ຊາວຊີ່ເວົ້າ                      ໃຫ້ເວົ້າແຕ່ຄວາມຊີ່ເອົາ
 ຢ່າຊີ່ພາທີໃຂ                                  ໃສ່ແຕ່ຄວາມບໍ່ດີໄວ້

-ສິບຊີ່ຖີ້ມ ຊາວຊີ່ຖີ້ມ                     ຢ່າໂຍນໃສ່ຫມາມຫວາຍ
 ສິບຊີ່ຕາຍ ຊາວຊີ່ຕາຍ                  ຊາດຊີ່ມາໃຫ້ເຫັນເຈົ້າ

-ສິບຊີ່ຍອ້ງ ຊາວຊີ່ຍອ້ງ                 ກໍ່ໃຫ້ວ່າແຕ່ຄວາມຈີງ
 ແນວວ່າຍີງຄືລີງ                          ຊີ່ວ່າຫົງມັນເກີນຍອ້ງ

-ສິບຊີ່ຂ້າ ຊາວຊີ່ຂ້າ                        ໃຫ້ເອົາໄມ້ຄະຍູງຕີ
 ຢ່າເອົາຫົວໃຈຕີ                            ຊີ່ເນົ່ານູມໃນເນື້ອ

-ສິບຊີ່ໄດ້ ຊາວຊີ່ໄດ້                        ໃຫ້ໄດ້ເພີ່ນຫມົດໃຈ
 ຄັນບໍ່ໄດ້ຫມົດໃຈ                         ສ່ຳໄດ້ຜີມານອນຊອ້ນ

ຕອນ - ໂສ
-ໂສເສັຍແລ້ວ                               ໂສຕາຍຊ້ຳຕື່ມ
 ໂສທຸກຍາກໄຮ້                             ຊີ່ລົງມວ້ນບອ່ນດຽວ

-ໂສໄດ້ແລ້ວ                                 ບໍ່ວາງນາງໃຫ້ຊາຍອື່ນ
 ແມ່ນຊີ່ມີຫມື່ນຊູ້                        ຊີ່ໂສແຍ້ງຍາດເອົາ

-ໂສທຸກແລ້ວ                               ໂສຍາກບໍ່ກົວຫຍັງ
 ວາສນາຍັງມີ                              ຊີ່ຄອຍດີເມືອຫນ້າ

-ໂສວາງແລ້ວ                              ບໍ່ເອົາຄືນໃຫ້ເຂົາວ່າ
 ໂສຢ່າແລ້ວ                                ບໍ່ເອົາໄວ້ໃຫ້ເພີ່ນຫຍັນ

-ໂສສູ້ແລ້ວ                                  ຊີ່ນຳຮອດເຮືອນຊານ
 ຢ້ານແຕ່ໂສພານາງ                   ຊີ່ບໍ່ຈີງກັບອ້າຍ

-ໂສເດີນແລ້ວ                             ໂສໄປໃຫ້ມັນຮອດ
 ວ່າຊີ່ຂໍຍອດແກ້ວ                       ມາເປັນໃພ້ພໍ່ແມ່ເຮົາ

-ໂສຕາຍແລ້ວ                            ຊີ່ຈັບປືນຂື້ນມາລັ່ນ
 ຄັນບໍ່ແມ່ນຂອ້ຍກໍ່ເຈົ້າ             ຊີ່ຫາມເຂົ້າສູ່ກອງພອນ

ຕອນ - ເຫັນວ່າ
-ເຫັນວ່າຂອ້ຍຜູ້ຮ້າຍ                 ຢ່າຟ້າວນ່າຍແຫ່ນງຊັງ
 ບາດຫ່າບຸນຍັງມີ                      ຊີ່ຮູ່ງເຮືອງເມືອຫນ້າ

-ເຫັນວ່າດຳຂີ້ຫຼີ້                        ຢ່າຟ້າວຂີ່ເຮືອກາຍ
 ເຫັນວ່າດຳພອຍລອຍ             ຢ່າຟ້າວພາຍເຮືອເວັ້ນ
 ບາດວ່າເຮືອຄາແກ້ງ               ພອຍລອຍຊີ່ໄດ້ຍູ້ຊອ່ຍ
 ຄັນບໍ່ເອີ້ນໃສ່ຂອ້ຍ                   ຊີ່ໄປເອີ້ນໃສ່ຜູ້ໃດ

-ເຫັນວ່າຜັກຫົມຫ້ຽນ              ກາງທາງຢ່າຊີ່ຟ້າວຢຽບຢ່ຳ
 ບາດຫ່າຖອດຍອດຂື້ນ            ຍັງຊີ່ໄດ້ກ່າຍເກີນ

-ເຫັນວ່າຂອ້ຍຜູ້ຮ້າຍ                ຄອງວັດຍັງວ່າງາມ
 ເຫັນວ່າຂອ້ຍຮູບຊາມ              ຮີດຄອງກໍ່ຍັງຮູ້

- ເຫັນວ່າພູລາມຄ້າງ                ປາຍຊານຕາກແດດ
 ເຈົ້າບໍ່ຕັກນ້ຳພົມ                    ເຈົ້າບໍ່ອົມນ້ຳພູດ
 ພູຊີ່ແຫ້ງ                                 ຫ່ຽວຕາຍ ເຈົ້າເອີຍ

-ເຫັນວ່າທຸກຍາກຮ້າຍ             ເຂີນຂາດເງີນທອງ
 ຂອ້ຍກໍ່ມີໃຈດຽວ                     ຮັກນາງຈີງແທ້
 ດີກວ່າເສດຖີເຖົ້າ                    ເງີນທອງເຕັມກະຕ່າ
 ເອົາເງີນມາຫຼອກເຈົ້າ              ກີນແລ້ວກໍ່ເຫຼົ່າຫນີ
                     

ກົດທີ່ນີ້ຖ້າຢາກອ່ານຜະຫຍາຕອນທີສິບເອັດ

ພະຫຍາພາສິດບູຮານລາວ - ຕອນທີເກົ້າ

ຕອນ - ວ່າແຕ່
-ວ່າແຕ່ເຈົ້ານັ້ນຮູ້                    ທຸກບອ່ນທາງໄປ
 ບາດວ່າໃຈຂອງໂຕ                ທໍ່ພູບໍ່ມີຮູ້

-ວ່າແຕ່ຫົວໃຈເຈົ້າ                      ບໍ່ໄດ້ແບ່ງເປັນສອງ
 ຂອ້ຍຊີ່ມີຈິດດຽວ                       ຝາກໃຈໄວ້ນຳເຈົ້າ

-ວ່າແຕ່ທາງເຈົ້າຮອ້ງ                 ຊີ່ຂານຮັບວາຈາ
 ວ່າແຕ່ເຈົ້າຕົກລົງ                     ຊີ່ແຕ່ງຂັນມາຫມັ້ນ

-ວ່າແຕ່ເຈົ້າ                               ຍັງຢູ່ເປັນສາວ
 ບວດໄດ້ຊາວພັນສາ                 ສິກອອກມາເອົາເຈົ້າ

-ວ່າແຕ່ທາງຂອ້ຍຮ້າຍ              ເຈົ້າແຫ່ງໂຫດຫນັກຫນາ
 ຂອ້ຍຕົກລົງຊີ່ມາຂໍ                  ເຈົ້າພັດມາຂໍເລື່ອນ

-ວ່າແຕ່ໄຟນັ້ນຮອ້ນ                 ໃຈຂອ້ຍແຫ່ງກວ່າໄຟ
 ວ່າຢາກເດັດດວງໃຈ               ຜູ້ເຈົ້າພາໃຫ້ມັນຮອ້ນ

-ວ່າແຕ່ຄືດຮອດຂອ້ຍ             ຈົດຫມາຍຕອບບໍ່ມີເຫັນ
 ວ່າແຕ່ມີໃຈຮັກ                       ແຕ່ບໍ່ຫວ່ງໃຍພໍນອ້ຍ

-ວ່າແຕ່ໃຊຫຼັງຫຼ້າ                    ບໍ່ຫມານປາຖືກແຕ່ເຕົາ
 ບາດວ່າໃຊຕົ້ນເຄົ້າ                 ສັງມາເຂົ້າຕັ້ງແຕ່ງູ

-ວ່າແຕ່ເຈົ້ານັ້ນຮູ້                    ທຸກບອ່ນທາງໄປ
 ບາດວ່າໃຈຂອງໂຕ                ທໍ່ພູບໍ່ມີຮູ້

-ວ່າແຕ່ເຈົ້າ                           ມີຜົວແລ້ວຫຼືບໍ
 ຫຼືວ່າມີແຕ່ຊູ້                        ຜົວຊີ່ຊອ້ນຫາກບໍ່ມີ

ຕອນ - ເວົ້າຊູ້ຕ່າງບ້ານ
-ເວົ້າຊູ້ຕ່າງບ້ານ                    ມັນລຳບາກເຫຼືອຊະນັດ
 ມັນບໍ່ຄືບ້ານດຽວ                  ຄ່ຳມາກໍ່ເຫັນຫນ້າ

-ເວົ້າຊູ້ຕ່າງບ້ານ                   ຄືຝາກໃຂ່ໄວ້ນຳກາ
 ຝາກປາໄວ້ນຳແມວ            ບໍ່ແມ່ນແນວຊີ່ເຫຼືອຄ້າງ
 ມີແຕ່ມັນຊີ່ຫຍ້ຳ                 ກີນລົງໃນຂີ້ໂຜ່ນ
 ກີນໃຫ້ທອ້ງແຕກໂປ້ງ        ເສັຍແລ້ວຈື່ງຄອຍເຊົາ  ພຸ້ນແລ້ວ

-ເວົ້າຊູ້ຕ່າງບ້ານ                  ຢາ້ນແຕ່ເພີ່ນບໍ່ເປັນໃຈ
 ບໍ່ຈັກໃຜຊີ່ມາຊົມ               ຍາດເອົາໄປຊອ້ນ

-ເວົ້າຊູ້ຕ່າງບ້ານ                 ປານເອົາຄ່າງໄວ້ນຳລີງ
 ປານເອົາຍີງຝາກຊາຍ       ບໍ່ຫອ່ນເຫຼືອມາໄດ້

-ເວົ້າຊູ້ຕ່າງບ້ານ                   ຄັນແມ່ນເພີ່ນບໍ່ຫຼາຍໃຈ
 ຄັນແມ່ນນາງບໍ່ຫຼາຍຊາຍ   ກໍ່ບໍ່ມີແນວຢ້ານ       ດອກນ໋າ

-ເວົ້າຊູ້ຕ່າງບ້ານ                  ຢ້ານແຕ່ຖືກຂອງເຂົາ
 ວ່າຊີ່ເອົາແຕ່ວາຈາ             ແຕ່ສວນໃຈບໍ່ມີເຕື້ອງ

-ເວົ້າຊູ້ຕ່າງບ້ານ                 ຢ້ານແຕ່ເພີ່ນຫຼາຍໃຈ
 ຍາມເມື່ອເຮົາຫນີເມືອ      ເພີ່ນກໍ່ມີຊາຍຊອ້ນ


ຕອນ - ວ່າບໍ່ມີ
- ວ່າບໍ່ມີຄວາມເວົ້າ               ເຈົ້າເອົາຫຍັງມາວ່າ
 ວ່າບໍ່ມີຜູ້ຖ້າ                         ແມ່ນໃຜແທ້ນັ່ງຢູ່ນຳ

- ວ່າບໍ່ມີຊາຍຊອ້ນ               ເຊີງແພສັງມາກ່ານ
 ຫຼືວ່າລູກເຈົ້າຊົນ                 ຫຼືວ່າຫຼານເຈົ້າດື້
 ແພຂອງເຈົ້າ                     ຈື່ງກ່ານເຊີງ

- ວ່າບໍ່ມີເຄືອກ້ຽວ               ສັງມາເປັນຍາມຍ່າມ
 ວ່ານ້ຳແກ່ງບໍ່ຂື້ນ                ສັງມາໄດ້ຊວ່ງເຮືອ

- ວ່າບໍ່ມີເຄືອກ້ຽວ              ສັງມາເປັນຍາມຍ່າມ
 ວ່າໃຕ້ລ່າງບໍ່ກວ້າງ            ສັງມາໄດ້ຜູກຄວາຍ

 -ວ່າບໍ່ມີຊາຍຊູ້                  ຫົວຂັ້ນໃດ ສັງມາກ້ຽງມືນລື່ນ
 ຊາຍຍ່າງເຂົ້າມື້ຮອ້ຍ        ຊູ້ຍ່າງອອກມື້ຮອ້ຍ ຕົ໋ວະໄດ້ວ່າບໍ່ມີ

ຕອນ - ວ່າຊີ່
-ວ່າຊີ່ນຳເງີນພອ້ມ               ນຳຄຳມາແຕ່ງ
 ວ່າແຕ່ເຈົ້າເປີດປອ່ງໃຫ້      ຊີ່ເອົາເຖົ້າສູ່ຂໍ

-ວ່າຊີ່ແປງຂົວຂ້າມ              ສະພານທອງທຽວໃຕ່
 ຕ່າງໃຫ້ມີພີ່ນອ້ງ                 ທຽວຢື້ຢອ່ງຢາມ

-ວ່າຊີ່ສູບປີກເປື້ອງ              ບີນເວີ່ນຫານາງ
 ຊີ່ໄປຫາເມຄາ                     ເສີ່ນຫາພະອວນນອ້ງ

-ວ່າຊີ່ປູກດອກຊອ້ນ            ຊອນດອກກະດັນງາ
 ແມ່ນວ່າມີຫຼາຍຊາຍ           ຊີ່ຍາດເອົາຈົນໄດ້

-ວ່າຊີ່ໄປບວດສ້າງ               ກໍ່ຢ້ານຫ່າງນາງຫນີ
 ວ່າຊີ່ໄປເປັນຊີ                    ກໍ່ຢ້ານນາງມີຊູ້

-ວ່າຊີ່ທົດນ້ຳຂື້ນ                  ໃຫ້ໃຫຼທັ່ງຫົວໃຈ
 ປ້ານຄັນແທກໍ່ພໍໃຫວ        ແຕ່ປ້ານຫົວໃຈບໍ່ມີໄດ້

ຕອນ - ສັດຈະ
-ສັດຈະເວົ້າ                             ຄຳໃດບໍ່ມີປ່ຽນ
 ຄວາມຈີງບອກເຈົ້າແລ້ວ       ບໍ່ມີປີ້ນປ່ຽນໄປ

-ສັດຈະຂອ້ຍໃຫ້ເຈົ້າ                 ຄືຈິດໃຈຂອ້ຍທຸກຢ່າງ
 ສັດຈະຂອ້ຍວ່າແລ້ວ              ຊີ່ມາມ້າງບໍ່ເປັນ  ແທ້ໃດ

-ສັດຈະຫມັ້ນ                          ອະທິຖານຕັ້ງທ່ຽງ
 ບໍ່ຫາຄວາມຫຼອກຫຼໍ້               ມາເວົ້າໃຫ້ນ່າຍກັນ

-ສັດຈະເຈົ້າ                            ຄືກວຍກະຕ່າຫ່າງ
 ຖີ້ມໃສ່ນ້ຳ                              ຈົມແລ້ວກໍ່ຫາກຟູ
 ສັດຈະຂອ້ຍ                          ຄືຫີນຫນັກຫຼາຍຫມື່ນ
 ຖີ້ມໃສ່ນ້ຳ                             ຈົມແລ້ວບໍ່ຟູ

-ສັດຈະເຈົ້າ                            ຄືກວຍກະຕ່າຫ່າງ
 ຖີ້ມໃສ່ນ້ຳ                              ໃຫຼເຂົ້າສູ່ທາງ
 ສັດຈະຂອ້ຍ                          ຄືຫີນກອ້ນໃຫ່ຍ
 ຖີ້ມໃສ່ນ້ຳ                             ຊີ່ໃຫຼເຂົ້າບໍ່ມີ

ກົດທີ່ນີ້ຖ້າຢາກອ່ານຜະຫຍາຕອນທີສິບ

ຜະຫຍາພາສິດບູຮານລາວ - ຕອນທີແປດ

ຕອນ - ບໍ່ຢາກພັດພາກ
-ບໍ່ຢາກພັດພາກນອ້ງ                    ອ້າຍຈຳຈອ່ງໃຈໄປ
 ພໍ່ເມື່ອຕາເວັນສາຍ                       ອ້າຍຊີ່ໃກໃລເຈົ້າ
 ຄັນແມ່ນບຸນເຄີຍສ້າງ                   ຜະຫຼາເຮົາເຄີຍໄດ່ຮວ່ມ
 ຄັນແມ່ນຄາດໄດ້ຮວ່ມ                 ໄປແລ້ວກໍ່ຕ່າວຄືນ   ນອ້ງເອີຍ

-ບໍ່ຢາກພັດພາກເວັ້ນ                      ເວນຫາກຈອ່ງຈຳຫນີ
 ບໍ່ຢາກໃກສາຍຄໍ                             ແຕ່ແມ່ເວນຫາກພາເວັ້ນ
 ຢາກເຫັນໂຕເວນເດ                      ຊີ່ເປັນໂຕຈັງໃດນໍ
 ຄັນເປັນໂຕຈັງຫອຍ                      ຄັນມີຮອຍຈັງມ້າ
 ຊີ່ນຳຂ້າ                                          ບໍ່ໃຫ້ຍັງ

-ບໍ່ຢາກພັດພາກເຈົ້າ                       ພໍ່ແມ່ຫາກຈຳຫນີ
 ບໍ່ຢາກໃກຄົນດີ                               ພໍ່ແມ່ຈຳໃກເວັ້ນ

-ບໍ່ຢາກພັດພາກເຈົ້າ                      ເວນຫາກຈອ່ງຈຳຄີງ
 ໃຫ້ຄະນີງນຳຊາຍ                            ຜູ້ຫ່າງໃກໄປຫນ້າ
 ຕັ້ງແຕ່ນົກເຂົາຕູ້                          ພາກຫມູ່ມັນຍັງວອນ
 ຕັ້ງແຕ່ນົກເຂົາວອນ                     ພາກຄອນມັນຍັງຮອ້ງ
 ບາດວ່າເຈົ້າພາກຂອ້ຍ                  ຄວາມດຽວບໍ່ເອີ້ນສັ່ງ
 ຄັນບໍ່ເອີ້ນສັ່ງໃກ້                            ຂໍໃຫ້ເອີ້ນສັ່ງໃກ  ແນ່ເດີ

-ບໍ່ຢາກພັດພາກນອ້ງ                    ອ້າຍຈຳຈອ່ງໃຈໄປ
 ພໍ່ເມື່ອຕາເວັນສາຍ                       ອ້າຍຊີ່ໃກໃລເຈົ້າ
 ຄັນແມ່ນບຸນເຄີຍສ້າງ                   ຜະຫຼາເຮົາເຄີຍໄດ່ຮວ່ມ
 ຄັນແມ່ນຄາດໄດ້ຮວ່ມ                 ໄປແລ້ວກໍ່ຕ່າວຄືນ   ດອກນ໋າ

-ບໍ່ຢາກພັດພາກຂ້າງ                    ໃຫ້ໃກຫ່າງນາງຫນີ
 ຢ້ານແຕ່ມີຊາຍຊົມ                       ຈາກພີ່ຊາຍຜູ້ໃກບ້ານ
 ຮອດມື້ອື່ນ                                    ຊີ່ໃກເຈົ້າທໍ່ນີ້ວມື
 ຮອດມື້ຮື                                       ຊີ່ໃກເຈົ້າທໍ່ນີ້ວກອ້ຍ
 ໃກມື້ເລັກມື້ນອ້ຍ                          ກະເລີຍຊ້ຳລ່ຳບໍ່ເຫັນ    ນອ້ງເອີຍ

ຕອນ - ບໍ່ຢາກເວົ້າ
-ບໍ່ຢາກເວົ້າພື້ນຮ້າຍ                      ຢ້ານເພີ່ນຢາກອາຍໂຕ
 ຢ້ານຫມາກໂມ                              ອາຍຫມາກແຕງ
 ຊີ່ແລນຕຳ                                    ຫມາກອຶນອ້ຍ

-ບໍ່ຢາກເວົ້າ                                    ຫາງແມງເງົາພັດມາແຍ່
 ບໍ່ຢາກເວົ້າແທ້ໆ                            ຫາງແຍ້ພັດແຍ່ມາ

-ບໍ່ຢາກເວົ້າ                                     ວ່າກະຕ່າຍມີເຂົາ
 ວ່າຊີ່ສົນເຄົາເອົາ                             ວ່າມົດແດງມີລີ້ນ

-ບໍ່ຢາກເວົ້າ                                    ອົກຊີ່ເນົ່ານູມໃນ
 ບໍ່ຢາກໃຂວາຈາ                             ຊີ່ເນົ່າໃນນູມເນື້ອ

-ບໍ່ຢາກເວົ້າ                                    ຢ້ານແຕ່ເພີ່ນບໍ່ເອົາໂຕ
 ເຫັນເພີ່ນໂຮແຊວໆ                      ວ່າແຕ່ໂຕຊີ່ໄດ້

ຕອນ - ປາງ - ທີ - ຄັນ
-ປາງພະຍາໄດ້                                 ໃຫ້ເອົາໄປສາກອ່ນ
 ຄັນແມ່ນປາງໃຜ່ນອ້ຍ                   ເຂົາໄດ້ຢ່າວ່າເຂົາ

-ປາງໂຕໄດ້                                      ປາງເຮົາບໍ່ໃຫ້ວ່າ   ກັນເດີ
 ຄັນແມ່ນປາງຂອ້ຍຂື້ນ                  ປາງເຈົ້າໃຫ້ຄອ່ຍຕາມ

-ທີຟ້າໄດ້                                          ດີໃຈຮອ້ງຄື່ນໆ
 ຄັນແມ່ນທີດີນໄດ້                          ຟ້າຊີ່ແຫ້ງຂາດຝົນ   ກໍ່ບໍ່ຮູ້

 -ທີຫມາໄດ້                                      ທີແມວກໍ່ໄຫ້ເບີ່ງ
 ຄັນແມ່ນແມວຫມັ່ນໄດ້                 ຫມາຮ້າຍຢ່າໃລ່ແມວ  ເຖາະເນີ

-ທີຜົວໄດ້                                         ໃຫ້ເຫັນເມຍຜູ້ທຽມຄູ່ແດ່ເດີ
 ຄັນແມ່ນເມຍຮຸ່ງຂື້ນ                     ຜົວຊີ່ໄດ້ເພີ່ງພາ  ບໍ່ຮູ້

-ທີເມຍຂື້ນ                                     ຢ່າລືມຜົວຜູ້ເປັນພໍ່ເຮືອນເດີ
 ຄັນແມ່ນໂຈນເຂົ້າບ້ານ                 ຍັງຊີ່ໄດ້ເພີ່ງຜົວ   ຢູ່ໃດ

-ທີເມື່ອກຽນໄປໄດ້                          ຢ່າຕິເຮືອບໍ່ເຂົ້າທ່າ
 ບາດຫ່າໄປຮອດນ້ຳ                       ເຮືອຊີ່ໄດ້ແກ່ກຽນດອກນ໋າ

-ທີຢູ່ນ້ຳ                                          ຝູງເຮືອກະຢ່າອົງຫຼາຍເດີ
 ບາດວ່າຮອດໂຄກແລ້ວ                ກຽນຊີ່ໄດ້ແກ່ເຮືອ

-ທີໄຟຂື້ນ                                       ຢ່າລືມໂຕເອີ້ນດ່າ ຟືນເດີ
 ຄັນແມ່ນຟືນບໍ່ຢູ່ກອ້ງ                  ໄຟຊີ່ຮູ້ເມື່ອຄີງ   ດອກນ໋າ

-ທີຣົດຂື້ນ                                      ຢ່າລືມທາງທຽວທອ່ງ
 ຄັນຖະນົນຂາດແລ້ວ                    ຊີ່ໄປໄດ້ຮອ່ມໃດ


ຕອນ - ຜັດແຕ່
-ຜັດແຕ່ເປັນຍີງຂື້ນ                     ບໍ່ມີຊາຍມາຖາມໃຖ່
 ຜັດແຕ່ເປັນຕົ້ນໄມ້                     ເຄືອຊີ່ກ້ຽວກໍ່ບໍ່ມີ

-ຜັດແຕ່ເປັນຫນອງຂື້ນ               ບໍ່ມີປາຊີ່ມາໃຂ່
 ຜັດແຕ່ເປັນແມ່ນ້ຳ                     ປາຊີ່ບອ້ນກໍບໍ່ມີ
 ຄັນແມ່ນປາຄໍ່                              ຂອ້ຍຊີ່ກີນທັງຄາວ
 ຄັນແມ່ນປາຂາວ                         ຂອ້ຍຊີ່ກີນທັງກ້າງ
 ແມ່ນຊີ່ດີ້ນຄ້າງໆ                          ໃນທອ້ງກໍ່ຊ່າງມັນ

-ຜັດແຕ່ຟັງເຈົ້າເວົ້າ                      ຜັດຢູ່ບໍ່ມີເຊົາ
 ຄວາມກົກເຈົ້າເວົ້າຫມັ້ນ              ຄວາມປາຍເຈົ້າເວົ້າຫຼ່າຍ
ແນເດືອນໃດກໍບໍ່ໄດ້                      ຊີ່ໃລຖີ້ມປອ່ຍປາ

-ຜັດແຕ່ຟັງຄວາມເຈົ້າ                ຄວາມເກົ່າເອົາມາຈາ
 ມີແຕ່ພາທີຮັກ                           ແມ່ນບອ່ນໃດຈີງແທ້

-ຜັດແຕ່ແວວໆເວົ້າ                    ໄວໆຮີບເຮ່ງ
 ປາກວ່າຮັກເຮ່ງຮອ້ນ                 ໃຈເຈົ້າຜັດບໍ່ນຳ

-ຜັດແຕ່ເຫັນກັບເຈົ້າ                 ມີແຕ່ເຮົາເວົ້ານ່ຳໆ
 ຕົ໋ວະໃຫ້ຄີດອຳລ້ຳ                      ນຳເຈົ້າຢູ່ສູ່ວັນ   ແທ້ນ໋ໍ

ຕອນ - ໃຜຊີ່ຫຼີງເຫັນ
-ໃຜຊີ່ຫຼີງເຫັນໃສ້                      ຫົວໃຈນົກຂີ້ຖີ່
 ທາງປາກຮອ້ງພືດພື້ງ             ໃຈລ້ຽວໃສ່ກະປູ

-ໃຜຊີ່ຫຼີງເຫັນຮູ້                       ຊາຕາຕັ້ງແຕ່ກອ່ນ
 ໃຜຊີ່ຄອນອອ້ນຕອ້ນ            ມາໃຫ້ສອ່ງເຫັນ

-ໃຜຊີ່ຫຼີງເຫັນໄດ້                     ທາງໃນປອ້ງໄມ້ໃຜ່
 ລາງເທື່ອດວ້ງຢູ່ຫັ້ນ               ຊີ່ໄປຮູ້ຮອ່ມໃດ

-ໃຜຊີ່ຫຼີງເຫັນໃສ້                     ຕໍຫມາມແມ່ນ້ຳໃຫ່ຍ
 ຄັນແມ່ນຕີນບໍ່ໄປຖືກຕອ້ງ    ບໍ່ມີຮູ້ວ່າຕໍ  ດອກນ໋າ

-ໃຜຊີ່ເປັນອົງເຈົ້າ                   ອໍຣະຫັນຕັດສອ່ງ
 ໃຜຊີ່ຫຼຽວສອດຮູ້                    ໃຈເຈົ້າວ່າບໍ່ຈີງ

-ໃຜຊີ່ໄປຫຍໍ້                           ແນວໃດບໍ່ໃຫວຫວັ່ນ
 ໃຜຊີ່ຫຍໍ້ເປືອກທັນ               ໃຜຊີ່ຫຍັນເປືອກແຕ້
 ບໍ່ມີແພ້                                 ເປືອກກະໂດນ  ດອກນ໋າ

-ໃຜຊີ່ໄປຫຍໍ້                          ຊາຕາເຈົ້າລົງຕ່ຳ
 ມີແຕ່ຊີ່ຕັດໄມ້ຄ້ຳ                ປ້ຳໄມ້ຍູ້ ຊູຂື້ນສູ່ພະຈັນ

ຕອນ - ມາດູຕົນ
-ມາດູຕົນໂຕເດ້                    ຮັກເພີ່ນທາງດຽວ
 ແສນຊີ່ທຽວມາຈາ               ເພີ່ນບໍ່ຫຼຽວພໍນອ້ຍ
 ມາດູຄົນໂຕຂອ້ຍ                 ເຫັນເຂົາມີຄົນອື່ນ
 ໄດ້ແຕ່ຢືນສະອື້ນ                 ຊີມເສົ້າຢູ່ຜູ້ດຽວ

-ມາດູຕົນໂຕເດ໋                    ຮັກເພີ່ນບໍ່ຫານຈາ
 ຄີດຮອດມາຍາມໃດ            ວ່າແມ່ນໃຈຊີ່ເພມ້າງ

-ມາດູຕົນເປັດເດ໋                  ຢາກນອນຄອນຄືໃກ່
 ຕີນຫາກຈັບບໍ່ໄດ້                 ບີນຂື້ນກໍ່ຫມື່ນລົງ

-ມາດູຕົນກາເດ໋                   ຢາກທຽມຫົງຕະກຸນໃຫ່ຍ
 ແຕ່ວ່າກາຈັງຂອ້ຍ              ມັນແສນຕອ້ຍຕ່ຳສະກຸນ

-ມາດູຕົນໂຕຂອ້ຍ               ຫັກໃຈຫ້າມບໍ່ຢູ່
 ປາກຂອ້ຍວ່າບໍ່ຮັກເຈົ້າ       ແຕ່ໃຈຂອ້ຍບໍ່ວ່ານຳ

ຕອນ - ຢ້ານແຕ່
-ຢ້ານແຕ່ທາງເພີ່ນພຸ້ນ            ບໍ່ເປີດປາກໃຂວາຈາ
 ຄັນເຈົ້າໃຂພາທີ                       ພີ່ຊີ່ຂໍເອົານອ້ງ

-ຢ້ານແຕ່ທາງຄົນໃຂ້                ບໍ່ກີນຢາໃຫ້ຫາຍສວ່ງ
 ແສນພັນຄົນຊີ່ທວ້ງ                ຂໍຮອ້ງກໍ່ບໍ່ກີນ

-ຢ້ານແຕ່ນາຂອງເຈົ້າ              ບໍ່ສົນໃຈກ້າແກ່
 ພັນເຂົ້າດີຢ່າງອ້າຍ                 ກີນແລ້ວອີ່ມດົນ  ນອ້ງເອີຍ

-ຢ້ານແຕ່ທາງພຸ້ນໂຄ້ງ             ກັບຫຼີກຫຼົບຫນີ
 ເວົ້າກັນມາຫມົດປີ                  ຍັງຫຼີກຫນີໄປໄດ້

-ຢ້ານແຕ່ຕົ໋ວະໃຫ້ນົກເຂົ້າແຮ້ວ   ແຮ້ວບໍ່ລັ່ນສູຍຂາ
 ບາດຫົງບໍ່ໂສດານຳ                     ແຮ້ວພັດຕາມສູບນີ້ວ

ກົດທີ່ນີ້ຖ້າຢາກອ່ານຜະຫຍາຕອນທີເກົ້າ