ຜະຫຍາພາສິດລາວ - ຊຸດກຽ່ວກັບແຟສບຸກ
ຕົວຢ່າງດັ່ງຕໍ່ໄປນີ້:
1- ແຟສບຸກນີ້ ມີທັງດີແລະຊົ່ວ
ຢ່າໄດ້ເມົາເກືອກກົ້ວ ຫຼົງຫຼີນບໍ່ຫວ່ງງານ
2- ສິບຊີ່ຍຸ້ງຊາວຊີ່ຍາກ ໃຫ້ໄດ້ເປີດເບີ່ງແຟສບຸກ
ພໍໄດ້ມີຄວາມສຸຂ ໄດ້ທັກທາຍກັບເພື່ອນ
3- ຜົວຍໍ່ກັບບ້ານ ເມຍເຂົ້າອ່ານແຟສບຸກ
ພໍໄດ້ຄາຍຄວາມທຸກ ໃຫ້ຊວ່ງໃຈໃນຍາມກຸ້ມ
4- ຜົວໄປມີຊູ້ ເພາະເມຍຢູ່ກັບແຟສບຸກ
ບໍ່ຫວ່ງຄວາມສຸຂທຸກ ບາດວ່າຜົວມາບ້ານ
5- ໂລກເຮົາໃນຍຸກນີ້ ຕິດຕໍ່ກັນວອ່ງໄວ
ໃຜຈະຢູ່ໂລກໃດ ວ່າໃກກໍ່ຄືໃກ້
ເພາະເຮົາມີແຟສບຸກໃຊ້ ເປີດເຂົ້າໄປກໍ່ພໍ້ຫມູ່
ເຫມືອນວ່າຢູ່ຮວ່ມບ້ານ ຍາມຈາຕ້ານຕໍ່ກັນ...ເຈົ້າເອີຍ
6- ລາວເອີຍ...
ຄັນເຈົ້າມີແຟສບຸກໃຊ້ ສັງມາພີີມພາສາໄທໃສ່
ພາສາລາວພີມຂໍ້ຄວາມກໍ່ໄດ້ ສັງມາໄຊ້ແຕ່ໂຕໄທ...ແທ້ນໍ
7- ເມຍຫນີໄປມີຊູ້ ເພາະຜົວງົມຢູ່ນຳແຟສບຸກ
ເຮັດໃຫ້ເມຍມີທຸກ ຈື່ງຫ່າງໃກໃລເຈົ້າ
8- ເຖີງຜົວຈະຢູ່ບ້ານ ເມຍກໍ່ອ່ານແຟສບຸກ
ຜົວຊີ່ສຸກຫຼືທຸກ ເມຍບໍ່ສົນພໍລີ້
ຂໍໃຫ້ມີແຟສບຸກຫຼີ້ນ ຫົວໃຈເມຍກໍ່ສົດຊື່ນ
ເດີກດື່ນຍັງນັ່ງຫຼີ້ນ ປອ່ຍຜົວນອນຖ້າຢູ່ຜູ້ດຽວ
ສະບາຍດີທຸກໆທ່ານພອ້ມດວ້ຍລູກຫຼານທຸກໆຄົນ ທີ່ມັກຮັກໃນສີລປະວັນນະຄະຄີຂອງລາວເຮົາ
ຜະຫຍາພາສິດຊຸດແຟສບຸກກໍ່ເປັນສະພາບການທີ່ເປັນຈີງໃນປັດຈຸບັນ ຊື່ງຂ້າພະເຈົ້າແຕ່ງຂື້ນ
ມາເພື່ອສະທອ້ນໃຫ້ເຫັນຊີວິດແລະສັງຄົມການເປັນຢູ່ຂອງຄົນເຮົາໃນຍຸກນີ້ ໂດຍບັນລະຍາຍຜ່ານ
ຜະຫຍາພາສິດລາວ
ດັ່ງນັ້ນເມື່ອຄົນລຸ້ນລູກ ລຸ້ນຫຼານອີກ 100 ຫາ 200ປີໄດ້ອ່ານກໍ່ຈະວາດພາບເຫັນໄດ້ເຖີງສະພາບຕົວ
ຈິງຂອງຊີວິດຂອງພວກເຮົາໃນຍຸກນີ້
ຖາ້ທ່ານໃດແຕ່ງຫຼືມີສຸພາສິດດີໆແລະຢາກມາໃຫ້ຂ້າພະເຈົ້າເຜີຍແຜ່ໃຫ້ທຸກຄົນໄດ້ອ່ານແລະສຶກສາ
ເປັນຄະຕິເຕືອນໃຈແລະທັງໄດ້ທັງຄວາມມວ່ນຊື່ນດວ້ຍ ກໍ່ຢ່າລືມສົ່ງມາປະກອບສວ່ນນຳກັນ
ທ້າຍສຸດຂໍອວ່ຍພອນໃຫ້ທຸກທ່ານມີສຸຂພາບເຂັ້ມແຂງ ໃຫ້ໂຊກດີປາສຈາກໂຣກໃພໃຂ້ເຈັບ ອ່ານຜະ
ຫຍາພາສິດແລ້ວໃຫ້ມີຄວາມເບີກບານມວ່ນຊື່ນ
ພົບກັນໃຫມ່ໃນກອນຕອນຕໍ່ໄປ
ດວ້ຍຄວາມຮັກແພງ
ລູງ ຂຽນ
Melbourne, Australia
01-09-2015
No comments:
Post a Comment